Bílstjóri

Síðasta íslendingahollið yfirgaf Boston á þriðjudagskvöldið. Ég sótti þær Þorlákshafnargellur á hótelið fyrir utan Boston og keyrði til Cambridge í Cheesecake Factory. Svo keyrði ég þær að skoða Harvard. Þær tóku myndir af graskerjum og strákum í efnislitlum og aðsniðnum Halloween kusubúningum. Svo fórum við aftur til Boston.

Ingu fannst ég rata voða vel. Peta spurði hvort það væri ekkert erfitt að keyra hérna.

"Nei, nei", svaraði ég af hógværð. Ég hafði rétt sleppt seinna og kæruleysislegra nei-inu er ég uppgötvaði að ég var að keyra á móti umferð niður einstefnugötu.